Эканоміка

На другім энергаблоку БелАЭС пачаліся выпрабаванні сістэм бяспекі рэактара

На другім энергаблоку БелАЭС пачаліся выпрабаванні сістэм бяспекі рэактара
Фота з архіва

25 верасня, Мінск . На другім энергаблоку Беларускай АЭС пачаліся выпрабаванні сістэм бяспекі першага контуру рэактарнай устаноўкі, паведамілі ва ўпраўленні камунікацый інжынірынгавага дывізіёна дзяржкарпарацыі “Расатам”.

На першым этапе будзе апрабавана працаздольнасць помпавых агрэгатаў сістэм бяспекі для пацвярджэння іх расходных характарыстык. Далей спецыялісты пачнуць выпрабаванні ўсіх актыўных сістэм, якія забяспечваюць штатную работу першага контуру рэактарнай устаноўкі.

“Выпрабаванне сістэм бяспекі – строга рэгламентаваны тэхналагічны працэс, які адкрывае этап пусканаладачных работ у рэактарным аддзяленні энергаблока”, – растлумачылі ва ўпраўленні камунікацый.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце АЭС-2006 паблізу Астраўца Гродзенскай вобласці. Генеральным падрадчыкам выступае дзяржкарпарацыя “Расатам”. Энергетычны пуск першага энергаблока плануецца 7 лістапада 2020 года. Увод другога энергаблока прадугледжаны ў 2022 годзе.

Источник

Похожие статьи

Кнопка «Наверх»
Закрыть
Закрыть