Эканоміка

ЕЭК абнавіла праграму распрацоўкі міждзяржстандартаў на харчовую прадукцыю

ЕЭК абнавіла праграму распрацоўкі міждзяржстандартаў на харчовую прадукцыю
Фота ЕЭК

21 чэрвеня, Масква /Эдуард Півавар . Калегія Еўразійскай эканамічнай камісіі сёння зацвердзіла новую рэдакцыю праграмы па распрацоўцы міждзяржаўных стандартаў да тэхнічнага рэгламента “Аб бяспецы харчовай прадукцыі”, паведамілі ў прэс-службе ЕЭК.

“Праграма прадугледжвае распрацоўку 58 новых міждзяржаўных стандартаў: адзін з іх замацаваны за Беларуссю, за Кыргызстанам – 18, Казахстанам – 9, Расіяй – 30, – адзначылі ў ЕЭК. – Гэтыя міждзяржаўныя стандарты будуць падрыхтаваны для ідэнтыфікацыі асобных відаў харчовай прадукцыі (хлебабулачных і кандытарскіх вырабаў, мясной, агародніннай, чайнай прадукцыі і шэрага іншых)”.

Акрамя таго, для правядзення даследаванняў пры ацэнцы адпаведнасці патрабаванням тэхрэгламенту будуць распрацаваны міждзяржстандарты на метады вызначэння макра- і мікранутрыентаў у біялагічна актыўных дабаўках, санітарна-паразіталагічнай экспертызы для пладова-агародніннай, пладова-ягаднай і расліннай прадукцыі, а таксама на метады вызначэння антыбіётыкаў, хлорарганічных пестыцыдаў, прабіятычных мікраарганізмаў, ферапрымесей у харчовай прадукцыі.

“Новая рэдакцыя праграмы таксама прадугледжвае ўнясенне змяненняў у 45 міждзяржаўных стандартаў, 44 з якіх будуць распрацаваны Расіяй і адзін – Беларуссю. Праграма падрыхтавана ў адпаведнасці з прапановамі краін ЕАЭС, а таксама з улікам рэалізацыі дзеючай рэдакцыі праграмы”, – дадалі ў прэс-службе.

Источник

Похожие статьи

Кнопка «Наверх»
Закрыть
Закрыть